بيىل التىنشى رەت وتكەلى جاتقان فورۋم شىۇ مەن ەاەو ەلدەرىنىڭ مەملەكەت قايراتكەرلەرىن, الەمنىڭ تۇكپىر-تۇكپىرىنەن جەتەكشى ساراپشىلار مەن كاسىپكەرلەردى بىرىكتىرمەك. 3 اقپان كۇنى فورۋمدا جالپى جۇلدە قورى 180 000 $-دى قۇرايتىن «Industry 4.0 Startup Battle» ۇزدىك ونەركاسىپتىك ستارتاپتى انىقتايتىن اۋقىمدى سايىس جوسپارلانعان. سونداي-اق فيناليستەر ءىس-شارا سەرىكتەستەرىنەن بونۋس-سىيلىقتار الادى.
ەسكە سالا كەتەيىك, Industry 4.0 Startup Battle العاش رەت 2023 جىلى ءوتتى. بۇل ونەركاسىپ جانە جەر قويناۋىن پايدالانۋ كاسىپورىندارىندا تاجىريبە الماسۋ مۇمكىندىگىنە يە بولعان يننوۆاتسيالىق جوبالار ءۇشىن ناعىز سىناق بولدى. بارلىق جوبالارعا Tech Garden تاراپىنان Fast Track ۇسىنىلدى.
جالپى, ستارتاپەرلەردەن 59 ءوتىنىم قارالدى. ناتيجەسىندە 22.000 دولار جۇلدە قورىن Isida Electronics (I ورىن – 10.000 دوللار), SmartView (II ورىن – 7000 دوللار ) جانە AgriMo (III ورىن – 5000 دولار) قاتىسۋشىلارى يەلەندى.
بيىل ستارتاپتار Digital Oil Field, ESG, Smart Mining باعىتتارى بويىنشا جارىسادى.
الداعى سايىستا Tech Garden جالپى جۇلدە قورىن كوبەيتىپ قانا قويماي, سونىمەن قاتار ءاربىر ستارتاپ جوباعا سەرىكتەستەردەن قوسىمشا سىياقى الۋعا, ءوز باستامالارىن ونەركاسىپ كاسىپورىندارىندا وتكىزۋگە جانە قۇندى تاجىريبە مەن ناقتى ناتيجەگە قول جەتكىزۋگە مۇمكىندىك بەرەدى. ۇيىمداستىرۋشىلار باتتلعا دايىندىقتىڭ ءار كەزەڭىندە قاتىسۋشىلاردى قولدايدى جانە بىرلەسىپ جۇلدىزدى pitch-deck جاسايدى.
ءىس-شارا قر تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى, قر سىرتقى ىستەر مينيسترلىگى, قر ونەركاسىپ جانە قۇرىلىس مينيسترلىگى, الماتى قالاسىنىڭ اكىمدىگى, «Tech Garden يننوۆاتسيالىق تەحنولوگيالار پاركى» اۆتونومدى كلاستەرلىك قورى, Most Ventures, «قازمۇنايگاز» ۇك اق, GVA Alatau, «ساتس وەك» اق, «سكولكوۆو» VK Cloud يننوۆاتسيالىق ورتالىعى, Yandex Cloud, «Iteca» جشس قازاقستاندىق كورمە كومپانياسى, «KAZPETROL GROUP» جشس, تەڭىزشەۆرويل, «KAZ Minerals Management» جشس, «XFinity Solutions» جشس-ءنىڭ قولداۋىمەن وتەدى.
Digital Almaty - تسيفرلىق كۇن ءتارتىبىن, تسيفرلىق ترانسفورماتسيانىڭ جاڭا ستراتەگيالارىن جانە تسيفرلىق تەحنولوگيالار سالاسىنداعى ترەندتەردى تالقىلاۋعا ارنالعان ءداستۇرلى ديالوگ الاڭى. فورۋم 2018 جىلدان بەرى بەس رەت وتكىزىلدى.
«Digital Almaty-2024» ۇيىمداستىرۋشىلارى: قر تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى, قر سىرتقى ىستەر مينيسترلىگى, الماتى قالاسىنىڭ اكىمدىگى جانە Tech Garden.
